 |
| رغم إلّي أنا عمري ما حكيت على موضوع ديني . ليوم بني خونج إتهموني بالإلحاد |
قبل ما نبدا التدوينة هذي ماذبيّة نوقفو دقيقة صمت على المجزرة إلّي صارت اليوم في تونس ما بعد الثورة , و كانت أبرز الضحايا هي حريّة التعبير و حق الإختلاف و للأسف القاتل طلع فزّاعة
تي شكون ربهم ؟؟ ربهم مش كيف ربنا .. هوما ربهم يكذب عليهم و أحنا ربنا إحبنا
تي شكون ربهم ؟؟؟ ربهم طلعلهم من المطار , كان عايش بين لندن و قندهار و توّ إحب يسكّتنا؟
تي شكون ربهم ؟؟ ربهم عمرو 9 شهر ملّي جانا ذقنا كان المر و توّا يحب يكفّرنا ؟
تي شكون ربهم ؟ ربهم كيف تاكل بعضها يتخبّا في الحفر و كيف تضربنا بالكرتوش عمرو ما ضهر و توّا يحب يخوّفنا ؟
تي شكون ربهم ؟ ربهم شراهم بفلوس قطر و في السياسة خرطر و كل ملا يحكي يكذب أخي تحب تدغفنا ؟
تي شكون ربهم ؟ ربهم رد بلادنا تونستان ملّي جا ماريناش الأمان أخي يحب يقتلنا ؟
تي شكون ربهم ؟ ربهم طول عمرو رهدان يلحّس لإسرائيل و بني عثمان و توّا يحب يحكمنا ؟
تي شكون ربهم ؟ ربهم منين تدورو يدور و مغروم بالدوبل ديسكور آخي يسخيايبنا صدّقنا ؟
تي شكون ربهم ؟ ربهم إرهابي هارب من البلاد عندو سنين و سنين حب يحطنا تحت الساقين و توّا يحب يرجعلنا ؟
تي شكون ربهم ؟ ربهم يتاجر بالدين قسّم البلاد بين يسار و يمين و توّا يحب يوحدنا؟
تي شكون ربهم ؟
سبيسيال ديديكاس للإلاه التونسي الجديد صاحب الضحكة الذهبيّة راشد الغنوشي , و لا عزاء للشعب التونسي إلّي هرب من تحت صبّاط ليلى دجين جا تحت نقاب سميّة شوالق
